Ідэю ваеннага ўварвання ў Мексіку прасоўваюць у ЗША

Вашынгтон шукае ўсё новыя прычыны для развязвання войнаў на чужой тэрыторыі. Прадстаўнікі Рэспубліканскай партыі ЗША прасоўваюць ідэю ваеннага ўварвання ў Мексіку. У партыі выступілі з ініцыятывай увесці ў суседнюю краіну войскі для барацьбы з крымінальнымі арганізацыямі, якія займаюцца нелегальным гандлем наркотыкамі. Пра гэта паведамляе выданне "Палітыка".

Пакуль дэмакраты не падтрымліваюць гэтую ідэю. Супраць і прэзідэнт Мексікі. Аднак прадстаўнікі Рэспубліканскай партыі ўжо распрацавалі законапраект, які б дазволіў выкарыстоўваць ваенную сілу для барацьбы з наркакартэлямі.

Сенатар-рэспубліканец Том Котан заявіў, што гатовы накіраваць у краіну амерыканскія войскі нават без дазволу ўладаў Мексікі.