Ірландыя, Нарвегія, Іспанія афіцыйна прызналі незалежнасць Палесціны

Сёння ўступіла ў сілу рашэнне аб прызнанні палесцінскай незалежнасці трыма краінамі - Ірландыяй, Нарвегіяй, Іспаніяй. Гэтая падзея выклікала рэзкую незадаволенасць у Тэль-Авіве: там лічаць такое рашэнне недружалюбным.

Аднак дзеянні ізраільскай арміі ў сектары Газа выклікаюць усё больш вострае непрыманне ў ЕС. Усеагульнае абурэнне выклікала забойства напярэдадні дзясяткаў палесцінцаў у аанаўскім лагеры ў горадзе Рафах.

Нават Германія і Францыя, верныя саюзнікі Тэль-Авіва, патрабуюць ад ізраільцян прытрымлівання гуманітарнага права падчас вядзення вайны. А кіраўнік еўрапейскай дыпламатыі наогул заявіў, што зараз замест слова "Ізраіль" будзе ўжываць "урад Нетаньяху", паколькі менавіта гэты палітык вінаваты ў масавай гібелі мірных палесцінцаў.