Іван Дуке афіцыйна стаў прэзідэнтам Калумбіі

Цырымонія інаўгурацыі прайшла ў Багоце на цэнтральнай плошчы краіны. Пасля выканання дзяржаўнага гімна Дуке прынёс прысягу прэзідэнта Калумбіі. Пасля надзеў стужку. Па выніках другога тура выбараў, які адбыўся 17 чэрвеня, кандыдат ад правых сіл 42-гадовы Дуке набраў амаль 54 працэнты галасоў выбаршчыкаў. Раней былы лідар Калумбіі Хуан Мануэль Сантас заклікаў свайго пераемніка Івана Дуке і абраны гэтай вясной кангрэс берагчы і абараняць мір, які ўстанавіўся ў краіне.