Ізраіль пачаў буйнамаштабную аперацыю ў сектары Газа

Армія абароны Ізраіля аб'явіла пра пачатак буйнамаштабнай аперацыі ў сектары Газа. Раней знішчальнікі нанеслі ўдары па шэрагу аб'ектаў ХАМАС у анклаве, у тым ліку па складзе са зброяй і ваенным комплексе.

Таксама быў атакаваны камандны аператыўны пункт у Джэбаліі, які выкарыстоўваўся для кіраўніцтва атакамі на Ізраіль. Насельніцтва з раёнаў паблізу сектара Газа эвакуіравалі, там зараз знаходзяцца войскі, рэзервы і рэгулярныя падраздзяленні. За двое сутак было прызвана 300 тысяч рэзервістаў. Акрамя таго, ВПС краіны перакінулі па паветры сотні ізраільскіх вайскоўцаў, што знаходзіліся ў Еўропе, каб яны маглі ўдзельнічаць у аперацыі.

Сектар Газа застаецца ў блакадзе. Сусветная арганізацыя аховы здароўя аб'явіла, што займаецца арганізацыяй гуманітарнага калідора і накіруе мільён долараў на закупку медыцынскіх сродкаў (запасы ў найбуйнейшых бальніцах анклава ўжо вычарпаны).

Колькасць загінуўшых з боку сектара Газа ўзрасла да 788. Больш за 4 тысячы атрымалі раненні. У Ізраілі загінулі 900 чалавек, пацярпелі звыш 2400.