Ізраільскія сілы пашыраюць маштаб наземнай аперацыі ў сектары Газа

Градус напружання на Блізкім Усходзе павышаецца.

Напярэдадні вечарам у ЦАХАЛ паведамілі, што ізраільскія сілы пашыраюць маштаб наземнай аперацыі ў сектары Газа. У бок палесцінскай аўтаноміі накіравалася бранятэхніка. За ноч армія Ізраіля нанесла ўдары па 150 падземных цэлях на поўначы сектара Газа, у тым ліку тунэлях. Паводле звестак ХАМАС, анклаў атакаваны з сушы, мора і паветра.

Зараз сектар Газа поўнасцю адрэзаны ад знешняга свету. Інтэрнэт і тэлефонная сувязь прапалі яшчэ напярэдадні. Адзіны сродак камунікацыі зараз - гэта мячэці з гучнагаварыцелямі.

Генасамблея ААН прыняла рэзалюцыю, што заклікае да "неадкладнага, пастаяннага і ўстойлівага гуманітарнага спыненню агню ў сектары Газа".

За ініцыятыву прагаласавалі 120 краін, сярод якіх Беларусь. Сярод тых, хто супраць - Ізраіль, Чэхія, Харватыя, Аўстрыя, Венгрыя і ЗША.

Кіраўнік МЗС Ірана папярэдзіў: калі Амерыка прадоўжыць адтрымку Ізраіля, супраць Вашынгтона будуць адкрыты "новыя франты".