Як першамайскія маршы праходзяць па ўсім свеце

Першамайскія маршы праходзяць па ўсім свеце. У многіх з іх, як і ў Беларусі, гэта дзяржаўнае свята. У Інданезіі паўсюль транспаранты і флагі. Паўднёвая Карэя, Філіпіны - гэта далёка не ўвесь спіс краін, дзе ў Дзень працы рабочыя выйшлі на вуліцы. Першамай у Маскве праходзіць у сціплым фармаце. З мэтай бяспекі шэсце адмянілі.

А вось Францыя свята працы плануе адзначыць найбуйнейшымі за 40 гадоў дэманстрацыямі. Паводле даных Французскай дэмакратычнай канфедэрацыі працы, на вуліцы выйдуць да паўтара мільёна працаўнікоў. Вядома, што на акцыях таксама будуць задзейнічаны 12 тысяч паліцэйскіх і жандараў. Ужо праз некалькі месяцаў у краіне ўступіць у сілу пенсіённая рэформа Макрона. Прафсаюзы плануюць дабіцца яе адмены і пагражаюць стачкамі паралізаваць эканоміку краіны. Папярэднія пенсіённыя пратэсты толькі Парыжу каштавалі больш як паўтара мільёна еўра.