Казанскага стралка правераць на наяўнасць свядомасці

Ільназ Галявіеў, які адкрыў страляніну ў школе Казані, арыштаваны на два месяцы. За гэты час будзе праведзеная экспертыза, якая вызначыць наяўнасць свядомасці ў Галявіева. Таксама ў гэты момант няма экспертнага заключэння аб тым, ці ўжываў абвінавачваны псіхатропныя рэчывы. Сам стралок сваю віну цалкам прызнаў і заявіў аб адсутнасці ў сябе псіхічных захворванняў. Галявіеву пагражае пажыццёвае зняволенне. Ахвярамі стралка сталі сямёра дзяцей і двое дарослых, яшчэ 23 чалавекі пацярпелі.

З болем і гаркатой успрынялі жахлівую трагедыю ў Казані і жыхары Беларусі. Напярэдадні ўвесь дзень мінчане неслі кветкі і мяккія цацкі да будынка пасольства Расіі ў знак спагады і глыбокай скрухі па ахвярах страляніны ў школе Казані. Прыходзілі школьнікі і педагогі з усіх раёнаў нашай сталіцы па клічы сэрца.