Кіраўнік МЗС Беларусі абмеркаваў адкрыццё пасольства ў Пхеньяне і бязвіз з КНДР
Беларусь працягвае работу на палях саміту Генеральнай асамблеі ААН. Кіраўнік беларускага МЗС правёў шэраг двухбаковых сустрэч.
На перамовах з намміністра замежных спраў КНДР бакі абмеркавалі адкрыццё пасольства Беларусі ў Пхеньяне, гандлёва-эканамічнае супрацоўніцтва і падрыхтоўку пагаднення аб бязвізавых паездках для грамадзян дзвюх краін.
Дыпламаты падкрэслілі якасна новы ўзровень адносін, падмуркам для якіх стаў афіцыйны візіт Прэзідэнта Беларусі Аляксандра Лукашэнкі ў КНДР у сакавіку 2026 года.
Максім Рыжанкоў таксама пагутарыў з кубінскім калегам. Беларускі бок пацвердзіў нязменную падтрымку братэрскага народа і выказаў сур'ёзную заклапочанасць сітуацыяй, якая складваецца вакол Кубы.
Кіраўнік МЗС Беларусі запэўніў у працягванні гуманітарнай падтрымкі Гаваны з боку Мінска. У верасні на востраў была дастаўлена чарговая партыя гуманітарнай дапамогі, уключаючы сухое малако і медыкаменты.
Беларускі дыпламат таксама даў інтэрв'ю расійскім інфармацыйным агенцтвам РІА Навіны і ТАСС, у якіх выказаў падыходы Беларусі па асноўных пытаннях міжнароднага парадку і ўзаемадзеяння з арганізацыямі сістэмы ААН.







