Кітай увядзе мыты ў адказ на некаторыя амерыканскія тавары

Аб гэтым паведамляе агенцтва "Блумберг". Чакаецца, што з 6 ліпеня Пекін установіць мыты на сельскагаспадарчыя тавары, аўтамабілі і морапрадукты на агульную суму ў 34 мільярды долараў. А на энергетыку, хімічную прамысловасць і медыцынскае абсталяванне дата ўвядзення мыт стане вядомая пазней. Усяго плануецца ўстанавіць мыты на амерыканскія тавары на суму ў 50 мільярдаў долараў.

Нагадаем, раней аналагічныя меры ў дачыненні кітайскіх тавараў распарадзіўся ўвесці Прэзідэнт ЗША. На думку Дональда Трампа, гэтыя тарыфы неабходныя для прадухілення далейшай несправядлівай перадачы амерыканскіх тэхналогій і інтэлектуальнай уласнасці Кітаю. Мыты агульным коштам звыш 50 мільярдаў долараў таксама ўступяць у сілу 6 ліпеня.