КНДР прыгразіла ЗША прэвентыўным ударам

Вашынгтон планамерна раскручвае махавік ядзернай вайны. Таму Паўночная Карэя не выключае імавернасці нанясення прэвентыўнага ядзернага ўдару па ЗША.

Так Пхеньян пракаменціраваў перакіданне амерыканскіх стратэгічных сродкаў на поўдзень Карэйскага паўвострава і планы ўпершыню правесці сумесныя вучэнні паветраных сіл ЗША, Паўднёвай Карэі і Японіі. Гэтыя крокі Паўночная Карэя расцэньвае як "ваенныя дзеянні, якія маюць характар ядзернай прэвентыўнай атакі, скіраванай на фізічную ліквідацыю" КНДР. У Пхеньяне адзначылі, старонка гісторыі, калі права на прэвентыўны ўдар заставалася "манапольнай уласнасцю" ЗША, перавернутая.