Колькасць ахвяраў выбухаў у Ліване ўзрасла да 20

Узрасла колькасць ахвяраў выбухаў тэхнікі ў Ліване. Паводле апошніх даных, напярэдадні ў выніку дэтанацыі сродкаў сувязі і наўтбукаў загінулі 20 чалавек.

Заўтра ў Нью-Ёрку адбудзецца пасяджэнне Савета Бяспекі ААН, дзе абмяркуюць сітуацыю.

У Ізраілі мяркуюць, што колькасць загінуўшых прыніжана, паведамляе Times of Israel. Насамрэч ахвяраў некалькі дзясяткаў. Афіцыйны Тэль-Авіў сітуацыю не каменціруе.

Між тым, CNN сцвярджае, што хваля выбухаў у Ліване стала вынікам сумеснай аперацыі ізраільскай разведкі і арміі, а крыніцы ліванскага тэлеканала Al Mayadeen выказалі здагадку, што выбухоўка была закладзена ўнутр платы прыбора, што рабіла іх выяўленне падчас праверак немагчымым.