Калумбія адзначае Дзень незалежнасці

У Багаце сёння адзначаюць Дзень незалежнасці: 213 гадоў таму Калумбія пазбавілася ад каланіяльнай залежнасці і стала на шлях суверэннага развіцця.

Народ гэтай краіны і яе прэзідэнта павіншаваў з галоўным нацыянальным святам беларускі лідар. Аляксандр Лукашэнка адзначыў, што Беларусі вельмі блізкая сацыяльная палітыка прэзідэнта Калумбіі, арыентаваная на паляпшэнне ўзроўню жыцця найбольш уразлівых слаёў насельніцтва.

Прэзідэнт Беларусі адзначыў, што Мінск зацікаўлены ў выхадзе на новы ўзровень узаемадзеяння з Багатой. Нашым краінам трэба больш поўна рэалізаваць магчымасці двухбаковага супрацоўніцтва ў гандлёва-эканамічнай, навукова-тэхнічнай, культурнай і іншых сферах, гаворыцца ў віншаванні.