Кампанія Ілана Маска гатовая забяспечыць ратавальнікаў неабходным абсталяваннем

Выратавальная аперацыя, за якой сочыць увесь свет. Дзецям, якія знаходзяцца ў тайскай пячоры, гатовы дапамагчы Ілан Маск. Ён выказаў жаданне далучыцца да вызвалення тайландскіх школьнікаў, якіх знайшлі ў затопленых каменных джунглях. Як паведамляюць прадстаўнікі бізнесмена, кампанія Маска заявіла пра гатовасць забяспечыць спецыялістаў навігацыйным абсталяваннем, помпамі і акумулятарнымі батарэямі. Ратавальнікі да неабходнага месца пакуль не дабраліся. Помпы кругласутачна адпампоўваюць з пячоры ваду, аднак тэмпы паніжэння яе ўзроўню занадта малыя, а ліўні, якія зноў пайшлі, могуць зрабіць усе гэтыя высілкі дарэмнымі.

Спецыялісты разглядаюць магчымасць вывядзення дзяцей з падзямелля падводным шляхам з выкарыстаннем аквалангаў. Ім трэба ў суправаджэнні плыўцоў пераадолець каля 5 кіламетраў. І як стала вядома сёння, ад недахопу кіслароду загінуў адзін з вадалазаў, які ўдзельнічаў у аперацыі па выратаванні. Ён дастаўляў балоны ў пячору. Дайвер працаваў у якасці добраахвотніка.