Каранавірус не адступае

Цыркуляцыя штама "дэльта" істотна змяніла сітуацыю з каранавірусам у свеце. Зараз COVID-19 закранае маладых здаровых людзей, а інфекцыя развіваецца хутчэй.

Гэта прыводзіць да значнага росту захворванняў. Так, у Латвіі ўсталяваны новы антырэкорд - 2799 новых выпадкаў заражэнняў.

Рост колькасці захворванняў ва Украіне прымушае ўлады ўводзіць новыя абмежавальныя меры. Заўтра ў чырвоную зону пяройдуць яшчэ 4 вобласці краіны. Там прыпыняюць працу грамадскага транспарту, гандлёвых цэнтраў, грамадскага харчавання і пераводзяць навучальныя ўстановы на аддаленую працу.

У Літве за мінулыя суткі больш за 2 тысячы хворых і 2 дзясяткаў смерцяў. Дарэчы, сярод памерлых не было ні аднаго поўнасцю прышчэпленага чалавека.

Акцыі праціўнікаў вакцынацыі

Аднак частка людзей у Еўропе працягвае не давяраць статыстыцы. Сотні чалавек напярэдадні пратэставалі ў Францыі супраць пашпартоў здароўя і абавязковай вакцынацыі.

З патрабаваннем адмяніць грын-пасы выйшлі жыхары Нью-Ёрка. Нягледзячы на статыстыку па захворваннях сярод прышчэпленых і непрышчэпленых і заявы ўрачоў, антываксеры лічаць амерыканскую вакцыну небяспечнай.