Латвія не для рускіх?

Улады Латвіі працягваюць русафобскую палітыку. З краіны пачалі выдвараць расіянаў, якія засталіся без пасведчання на права на жыхарства.

Як паведамляюць мясцовыя СМІ, Упраўленне па справах грамадзянства і міграцыі выдала першыя 6 загадаў аб выездзе грамадзянам Расіі, якія не выканалі патрабаванняў закона аб іміграцыі. Двое ўжо пакінулі Латвію.

Пры гэтым пад пагрозай высылання знаходзяцца 1017 чалавек. Калі яны не змогуць прадаставіць важкіх падстаў для атрымання дазволу на пражыванне, то будуць вымушаны пакінуць тэрыторыю прыбалтыйскай рэспублікі на працягу 30 дзён, у адваротным выпадку іх чакае прымусовае высыланне.