Латвія паскорыць будаўніцтва плота на мяжы з Беларуссю

Латвія плануе паскорыць узвядзенне плота на мяжы з Беларуссю. Улады збіраюцца скончыць будаўніцтва ўжо да канца года. На гэтыя мэты выдзелена дадаткова 9 мільёнаў 700 тысяч еўра. Паспех тлумачаць "узрослымі геапалітычнымі рызыкамі, уключаючы рост ліку нелегальных мігрантаў".

Пасля завяршэння будаўніцтва загароды працягнуцца працы над устанаўленнем сістэмы відэаназірання і спадарожнай інфраструктуры, іх плануецца завяршыць за 30 месяцаў.