Лаўроў назваў сустрэчу "нармандскай чацвёркі" вельмі карыснай

Сітуацыя ўнутры Украіны па-ранейшаму прыкоўвае самую пільную ўвагу з боку сусветнай супольнасці. Параметры місіі міратворцаў ААН на ўсходзе Украіны выпрацуюць палітдырэктары МЗС "нармандскай чацвёркі". Гэта па выніках сустрэчы ў Берліне паведаміў міністр замежных спраў Германіі Хайка Маас. Перамовы пройдуць у найбліжэйшыя тыдні. Дыпламат таксама адзначыў, што бакі прынцыпова гатовы да ўводу міратворцаў, але яшчэ не выпрацавалі адзінай пазіцыі па мандаце і складзе місіі.

Кіраўнік расійскага МЗС адзначыў, што сустрэча была "вельмі карыснай". Сярод тэм абмяркоўвалася і вострае пытанне вызвалення зняволеных. Амбудсмены Расіі і Украіны складуць дарожную карту па ўрэгуляванні гэтай праблемы.