Лясныя пажары бушуюць на Тэнерыфэ і ў Канадзе

На іспанскім востраве Тэнерыфэ працягваюць бушаваць лясныя пажары. З пацярпелых рэгіёнаў эвакуіраваны каля 8 тысяч чалавек. Агонь ахапіў ужо 5 тысяч гектараў. Тушаць полымя і з зямлі, і з паветра. Улады ацэньваюць сітуацыю як адну з самых сур'ёзных за апошнія 40 гадоў.

Рэжым надзвычайнай сітуацыі аб'яўлены ў канадскай правінцыі Брытанская Калумбія. Полымя падступае да населеных пунктаў, людзей эвакуіруюць. У краіне назіраецца самы цяжкі сезон лясных пажараў за ўсю гісторыю, зафіксавана каля 1100 ачагоў узгарання.