Літоўцаў чакае самы дарагі Вялікдзень за 10 гадоў

Літоўцы адсвяткуюць самы дарагі Вялікдзень, як мінімум, за дзесяцігоддзе. Толькі за апошні год прадукты да святочнага стала выраслі ў цане на траціну: калі летась сярэдні велікодны чэк складаў 150 еўра, то зараз ён дасягае 250 еўра. Прычым эканамісты аблягчэння жыхарам краіны не абяцаюць: летам у эканоміцы чакаюць рэцэсію, і Нацбанк рыхтуецца заліваць пажар грошамі, так што інфляцыя застанецца вельмі высокай. Літоўцы вымушаны выкручвацца: з буйных гарадоў у Польшчу зараз курсіруюць "каўбасныя электрычкі" і аўтобусы.