Літва патрабуе ад заходніх краін "пераступіць чырвоную лінію"

Прэзідэнт Літвы заклікаў заходнія краіны "пераступіць чырвоную лінію" і адправіць Украіне знішчальнікі і дальнабойныя ракеты. Наўседу абурае, што некаторыя краіны ўсё яшчэ не вызначыліся, як дапамагчы Кіеву. На яго думку, чырвоная лінія ўжо была перасечана, калі Германія дазволіла перадаць свае танкі Узброеным сілам Украіны. Таму па аналогіі гэта трэба зрабіць і з самалётамі.