Літва ўводзіць кантроль на мяжы з Польшчай і Латвіяй

Літва ўводзіць кантроль на мяжы з Польшчай і Латвіяй. Згодна з пастановай урада, мера будзе дзейнічаць з 7 па 13 ліпеня (г.з. у перыяд правядзення саміту НАТА ў Вільнюсе).

Мэрыя літоўскай сталіцы нездарма прапанавала гараджанам куды-небудзь з'ехаць у сярэдзіне ліпеня. Вільнюс будзе ў поўным распараджэнні прыезджых. Для транспарту і мясцовых будзе практычна закрыты цэнтр. Забаронены ўсе камерцыйныя палёты ў радыусе 30 кіламетраў ад Вільнюса, аэрапорт горада закрыюць.