Марш у памяць аб ахвярах Валынскай разні прайшоў у Польшчы

У польскім Пшэмысле адбыўся марш у памяць аб ахвярах масавых забойстваў на Валыні, учыненых супраць палякаў у 1943 годзе. Удзельнікі акцыі прайшлі па вуліцах горада з вянкамі і кветкамі, а таксама нацыянальнымі флагамі, транспарантамі і крыжамі з назвамі вёсак, дзе адбыліся зверствы.

Завяршылася акцыя на мясцовых могілках. Там каля помніка ахвярам масавых забойстваў на Валыні была адслужана каталіцкая імша.

Нагадаем, Валынская разня была арганізавана ўкраінскімі нацыяналістамі на чале са Сцяпанам Бандэрам. Мэта масавых забойстваў, як задакументавана на другой канферэнцыі нацыяналістычнай арганізацыі, заключалася ў тым, каб вычысціць усіх неўкраінцаў з украінскай дзяржавы.