Міністр унутраных спраў Германіі выставіў ультыматум Ангеле Меркель

У палітычным асяродддзі Германіі прадметам сур'ёзнага разладу стала пытанне прыёму бежанцаў. Кіраўнік Хрысціянска-сацыяльнага саюза, Міністр унутраных спраў краіны Хорст Зеехофер выставіў ультыматум Ангеле Меркель. На вырашэнне вострага і агульнага для Еўропы пытання аб далейшай міграцыйнай палітыцы канцлеру адвялі два тыдні. Раней Зеехофер і зусім прызнаўся, што больш "не можа працаваць з гэтай жанчынай". Рознагалоссі ўзніклі ў сувязі з тым, што канцлер не падтрымлівае патрабаванне міністра адмаўляць мігрантам ва ўездзе ўжо на мяжы краіны.

Няпростым будзе і далейшы лёс пасажыраў судна "Акварыус". Пасля тыднёвага падарожжа сотні мігрантаў напярэдадні ўсё ж змаглі выйсці на бераг. Судна прышвартавалася ў Іспаніі. Частку бежанцаў у сябе гатовая прыняць Францыя, але адным дазволяць застацца ў Еўропе толькі на паўтара месяца. Іншых і зусім адразу дэпартуюць на радзіму.

Дарэчы, прэзідэнт ЗША заявіў, "што не хацеў бы паўтору сітуацыі з нелегальнымі мігрантамі, якая адбылася ў Еўропе". У сваім Twitter Дональд Трамп адзначыў, тое, што адбываецца, негатыўна ўздзейнічае на кіруючую кааліцыю ФРГ.