На бранскай чыгунцы папярэджаны новы тэракт

Чарговы тэракт папярэджаны ў Бранскай вобласці: тут абходчык выявіў некалькі падкопаў пад чыгуначнае палатно. Спецслужбы высветлілі, што невядомыя рыхтаваліся закласці пад рэйкі выбуховыя прыстасаванні.

Напярэдадні ў Бранскай вобласці ўжо быў учынены падобны тэракт: у выніку выбуху на чыгунцы сышлі з рэек два лакаматывы грузавога цягніка. Састаў перавозіў нафтапрадукты і будаўнічыя грузы. Лакаматыўная брыгада не пацярпела. Цягнік быў беларускага фарміравання. Як паведаміў Мінтранс нашай краіны, састаў накіроўваўся са станцыі Гомель на станцыю Бранск. На перагоне Унеча-Расуха за 50 метраў ад састава спрацавала неўсталяванае выбуховае прыстасаванне. Рух цягнікоў на ўчастку, пацярпелым ад тэракта, аднавілі пад раніцу. Расійская ФСБ шукае злачынцаў. Беларуская чыгунка пакуль не мяняе расклад цягнікоў, што накіроўваюцца праз Бранскую вобласць.