На Лампедузе колькасць бежанцаў перавысіла колькасць мясцовых жыхароў

Беспарадкі на італьянскім востраве Лампедуза, дзе колькасць нелегальных бежанцаў перавысіла колькасць мясцовых жыхароў: за два дні на востраў высадзілася больш чым 7 тысяч перасяленцаў з Паўночнай Афрыкі.

Бойкі ўспыхнулі падчас размеркавання ежы ў цэнтры часовага размяшчэння, які разлічаны на 400 месцаў і крытычна перапоўнены. Сотні мігрантаў патрабуюць неадкладна перавезці іх у іншыя месцы, для іх стрымлівання паліцыя прымяняе сілу.

Людзі бягуць пераважна з Лівіі - з-за магутных паводак там загінулі ўжо каля 10 тысяч чалавек.