На месцы крушэння "Тытаніка" прапаў батыскаф з турыстамі

У Атлантычным акіяне вядуцца пошукі падводнага апарата з турыстамі. Яны накіроўваліся да месца, дзе затануў пасажырскі лайнер "Тытанік". Дакладная колькасць людзей невядомая. Звычайна ў групе пяць чалавек - як правіла, гэта пілот, тры турысты і гід.

Сувязь з субмарынай знікла ў нядзелю раніцай. На той момант апусканне працягвалася 1 гадзіну 45 хвілін.

У пошукавай аперацыі бяруць удзел два самалёты і падводная лодка; аперацыя ўскладнена тым, што раён пошуку знаходзіцца даволі далёка ад сушы. Кісларод на борце падводнага апарата павінен скончыцца да раніцы чацвярга.