Народнаму артысту РСФСР Андрэю Мягкову сёння спаўняецца 80

Яго называлі інтэлігентам з вялікай літары, а мільёны гледачоў на памяць ведаюць фразы яго герояў. Народнаму артысту РСФСР, акцёру і рэжысёру Андрэю Мягкову сёння спаўняецца 80. З юбілеем акцёра павіншаваў Прэзідэнт Беларусі Аляксандр Лукашэнка. Сапраўдная слава прыйшла да Мягкова пасля знакамітага фільма Эльдара Разанава "Іронія лёсу, або З лёгкай парай!". Ён зняўся і ў іншых карцінах мэтра савецкага кінематографа. Сярод іх - "Службовы раман", "Жорсткі раманс", "Гараж". Дарэчы, у апошнім фільме персанаж Мягкова не проста так не размаўляе. Так Разанаў адпомсціў акцёру за тое, што той пастаянна спрачаўся з ім падчас здымак "Службовага рамана". Вядомы артыст - аўтар трох дэтэктыўных раманаў, ён таксама захапляецца партрэтным жывапісам.