Невядомы пратараніў вароты ў Ватыкан

Страляніна ля Святога Прастола: паліцыя адкрыла агонь па колах машыны, якая пратараніла вароты ў Ватыкан. Вядома, што аўтамабіль парушальніка заехаў ва ўнутраны двор Апостальскага палаца, вадзіцель выйшаў і быў затрыманы жандарамі. 40-гадовы мужчына, паводле слоў урачоў, знаходзіўся ў "стане сур'ёзных псіхафізічных змен". Яго матывы высвятляюцца. Падчас здарэння ніхто не пацярпеў. Папа Рымскі Францыск знаходзіўся ў гасцявым доме, далёка ад месца інцыдэнту.