Некалькі расійскіх рэгіёнаў былі атакаваныя беспілотнікамі

У ноч на 3 жніўня некалькі расійскіх рэгіёнаў былі атакаваныя беспілотнікамі. У Арле 2 дроны трапілі ў шматкватэрны дом, яшчэ 3 былі збітыя. Узгаранне лакалізавана, пацярпелых няма.

На Растоўскую вобласць удары нанеслі аж 55 беспілотнікаў. У Каменскім і Марозаўскім раёнах у выніку атак загарэліся складскія памяшканні. Над Курскай вобласцю збіты 6 дронаў. У Белгарадскай вобласці пасля атакі беспілотніка адбыўся пажар на нафтабазе, які ўдалося патушыць.