"Не нямецкім танкам ва Украіне!" - акцыі пратэстаў праходзяць у Еўропе

"Не нямецкім танкам ва Украіне!" - пад такімі лозунгамі ў Еўропе праходзяць акцыі пратэстаў супраць паставак танкаў Leopard Кіеву. У Германіі не першы дзень не сціхаюць дэманстрацыі. Сотні мітынгоўцаў прайшлі напярэдадні па вуліцах Нюрнберга з транспарантам "Мы - чырвоная лінія". Яны білі ў барабаны і скандзіравалі антываенныя лозунгі.

У Аўстрыі дзясяткі актывістаў сабраліся каля будынка пасольства Германіі ў Вене, каб выказаць пратэст супраць паставак танкаў Leopard ва Украіну. На думку мітынгоўцаў, пастаўкі прывядуць толькі да эскалацыі канфлікту.