Нетаньяху прызнаў дачыненне Ізраіля да выбухаў пейджараў у Ліване

Прэм'ер-міністр Ізраіля Біньямін Нетаньяху прызнаў дачыненне краіны да аперацыі з пейджарамі ў Ліване.

Нетаньяху заявіў, што гэта ён адобрыў вераснёвую атаку на ліванскі рух "Хезбала", падчас якой па ўсім Ліване падарваліся сотні прылад сувязі, уключаючы пейджары і рацыі. Паводле афіцыйных даных, 37 чалавек загінулі, больш як 3 тысячы пацярпелі.

Тым часам ЦАХАЛ нанёс удар па паўднёвым прыгарадзе сірыйскага Дамаска. СМІ пішуць аб 9 загінуўшых, больш як 20 чалавек атрымалі раненні. Адзначаецца, што мэтай ізраільцян стаў старшы функцыянер руху "Хезбала", у зону адказнасці якога ўваходзілі Галанскія вышыні.