Ніжняя палата італьянскага парламента выказала вотум даверу новаму Кабінету міністраў

Раней састаў урада адобрыў сенат. На фарміраванне Кабміна ў палітыкаў пайшло тры месяцы. Новы прэм'ер Джузэпэ Контэ абяцае знізіць падатковую нагрузку, павялічыць прыбыткі грамадзян і правесці жорсткія перамовы з ЕС па пытанні нелегальнай міграцыі. Крытыкі Контэ адзначаюць, што ў яго няма вопыту ў палітыцы, а выкананне агучаных абяцанняў можа справакаваць новы фінансавы крызіс у Італіі.