Новы віток гандлёвай вайны паміж ЕС і ЗША

Новы віток гандлёвай вайны паміж ЕС і ЗША: рашэнне амерыканскага прэзідэнта падняць пошліны на тавары з буйных краін прадказальна прывяло да негатыўнай рэакцыі і дзеянняў у адказ. Напярэдадні краіны ЕС аднагалосна падтрымалі ўвядзенне 25-працэнтных пошлін на прадукцыю са Штатаў. Гаворка ідзе аб суме амаль 3 мільярды долараў. Сярод іх джынсы, бурбон, апельсінавы сок, матацыклы. Для ўступлення рашэння ў сілу патрэбна адабрэнне Еўракамісіі. Калі станоўчае рашэнне будзе прынята ў найбліжэйшыя дні, то новыя еўрапейскія пошліны ўступяць у сілу 20 чэрвеня.

Рашуча настроены і Пекін. У адказ на ўвядзенне пошліны на тавары з Паднябеснай на 50 мільярдаў долараў у Кітаі запэўнілі, што будуць абараняць свае інтарэсы і адкажуць неадкладна.