Чарговы лятаючы аб'ект збіты ў ЗША

Шпіёнская істэрыя. Амерыканскі знішчальнік F-16 збіў неапазнаны лятаючы аб'ект над возерам Гурон. Гэта ўжо чацвёрты такі аб'ект, які заўважылі над ЗША. Як пішуць СМІ, загад яго знішчыць аддаў Байдэн. Афіцыйныя асобы паведамляюць, што НЛА, якія з'яўляюцца, не звязаны з незямной дзейнасцю. Пры гэтым збіты над возерам Гурон лятаючы аб'ект не падобны на паветраны шар. Ён меў форму васьмівугольніка і знаходзіўся на вышыні 6 кіламетраў, што ўяўляла небяспеку для камерцыйных самалётаў, піша The Wall Street Journal.