Асноўная тэма саміта НАТА - выдаткі на абарону

У гэтыя хвіліны ў Бруселі праходзіць саміт НАТА. Асноўная тэма двухдзённага форуму - абмеркаванне выдаткаў на абарону. У сталіцы Бельгіі ўведзеныя меры павышанай бяспекі. Закрытыя ўсе тэрыторыі побач са штаб-кватэрай НАТА. Таксама перакрытыя цэнтральныя вуліцы, жыхарам Бруселя рэкамендуецца адмовіцца ад паездак у цэнтры горада. Дзеля бяспекі лідарам 29 краін-удзельніц нават забаранілі карыстацца мабільнымі тэлефонамі.