Парламент Казахстана прыняў папраўкі ў Канстытуцыю

Папраўкі ў Канстытуцыю Казахстана ўнёс парламент краіны. Як і прапаноўвалася на высокіх трыбунах раней, зараз прэзідэнт зможа выбірацца толькі адзін раз на сямігадовы тэрмін. Змяніць норму надалей будзе нельга.

Сталіцы вернуць ранейшую назву. Нур-Султан ізноў стане Астаной. Папраўкі ў Канстытуцыю зараз павінен падпісаць прэзідэнт краіны Касым-Жамарт Такаеў.