Пасажырскі самалёт пацярпеў крушэнне ў штаце Дуранга ў Мексіцы

На борце знаходзіўся 101 чалавек. У тым ліку 4 члены экіпажа. Лайнер здзейсніў аварыйную пасадку ўсяго за 10 кіламетраў ад паветранай гавані. Магчыма, што прычынай крушэння сталі складаныя ўмовы надвор’я. Адразу пасля ўзлёту пачаўся моцны дождж. Пасля катастрофы аэрапорт закрылі. Цудам ніхто не загінуў. Аднак стан двух пасажыраў медыкі ацэньваюць як крытычны.