Першамай у Еўропе - забастоўкі, дэманстрацыі, пагромы і пратэсты

Першамай адзначылі сёння жыхары Еўрасаюза. Праўда, замест свята шматтысячныя акцыі пратэсту. Французы зноў выйшлі супраць пенсіённай рэформы і супраць палітыкі Макрона. У Страсбургу дэманстранты чарговы раз павесілі і спалілі ў труне чучала свайго прэзідэнта. І ў астатнім усё па-французску традыцыйна "дэмакратычна".

У Дзень працы ў Мадрыдзе на вуліцы выйшлі тысячы працоўных і пенсіянераў. Усяго ж ў Іспаніібыло арганізавана каля 70 маршаў на чале з прафсаюзамі. Удзельнікі акцый папярэдзілі улады аб магчымым "выбуху сацыяльнага канфлікту",калі нізкія зарплаты ў параўнанні са сярэднім паказчыкам па ЕС не будуць павялічаны.

Сталіца Грэцыі сёння была літаральна паралізаваная. У Афінах праходзіла дэманстрацыя прафсаюзаў. Не працавала метро, парты, чыгунка і трамваі. Людзі патрабавалі адмены законаў, якія абмяжоўваюць іх працоўныя правы, павышэння зарплат і рэформы аховы здароўя.

Тысячы людзей выйшлі і на вуліцы Лондана. Прычына - неабходнасць павышэння заработнай платы і паляпшэння ўмоў працы, а таксама адмены "антыпрафсаюзнага" заканадаўства.

У Польшчы людзі занепакоены пагрозай вайны, але не толькі эканамічнай. Краіна адзначыла Першамай антываеннымі пратэстамі. Дэманстранты выступалі супраць паставак зброі Кіеву.