Першыя перамовы лідараў ЗША і КНДР праходзяць ў Сінгапуры

У Сінгапуры ў гэтыя хвіліны праходзіць гістарычная падзея. На востраве Сентоса пачаліся першыя перамовы лідараў ЗША і КНДР. У цэнтры ўвагі пытанні поўнай дэнуклеарызацыі і гарантый міру на Карэйскім паўвостраве. Саміт пачаўся тры гадзіны таму. Кіраўнікі дзяржаў правялі перамовы тэт-а-тэт, а затым у пашыраным складзе. Дональд Трамп заявіў, што сустрэча сам-насам з Кім Чэн Ынам прайшла вельмі, вельмі добра. Поціск рукі Трампа і Кім Чэн Ына доўжыўся 12 секунд. Абодва лідары ўсміхаліся. Пасля прывітання прэзідэнт ЗША некалькі разоў папляскаў кіраўніка Паўночнай Карэі па плячы. У суботу Трамп сказаў, што яму хопіць хвіліны, каб зразумець, наколькі сур'ёзна КНДР настроеная на перамовы. Лідар КНДР заявіў, што дзве краіны многае пераадолелі для правядзення саміта. Кім Чэн Ын зацікаўлены ў цесным супрацоўніцтве з прэзідэнтам ЗША. За падзеяй сочаць сотні акрэдытаваных журналістаў. У Сінгапуры ў гэтыя дні небывалыя меры бяспекі - на пасту пяць тысяч паліцэйскіх. Пры гэтым сама ахова дэлегацый ЗША і КНДР даручаная элітнаму падраздзяленню - непальскім гуркхам.