Politico: ЗША хочуць перадаць Украіне боепрыпасы часоў халоднай вайны

ЗША разглядаюць магчымасць перадаць Украіне боепрыпасы часоў халоднай вайны. Для гэтага іх трэба забраць з бункераў і мадэрнізаваць. Паводле даных выдання Politico, такія размовы вядуцца ў Вашынгтоне ў закрытым рэжыме. Удакладняецца, што адна з праграм па мадэрнізацыі ўжо пачалася.

У зону баявых дзеянняў могуць накіраваць і ўдасканаленыя ракеты СПА Hawk, ужо даўно знятыя з эксплуатацыі. Снарады будуць прымяняць з некалькімі пускавымі ўсталёўкамі, якія Кіеву абавязалася адправіць Іспанія, адзначаецца ў публікацыі.

Гавораць у Вашынгтоне і аб новым пакеце ваеннай дапамогі Украіне. Паводле даных агенцтва Associated Press, ён абыдзецца Штатам амаль 3 мільярда долараў, што стане найбуйнейшай сумай за ўвесь час падтрымкі кіеўскіх улад з боку ЗША. У яго таксама ўпершыню ўвойдуць некалькі дзясяткаў амерыканскіх баявых машын - пяхоты Bradley.