Польскія і амерыканскія знішчальнікі F-16 прыступілі да сумесных палётаў

Польскія і амерыканскія знішчальнікі F-16 прыступілі да сумесных палётаў у рамках вучэнняў на тэрыторыі ўсходнееўрапейскага члена НАТА. Яны прадоўжацца да 7 жніўня.

Такія манеўры праводзяцца на тэрыторыі Польшчы рэгулярна ў рамках Мемарандума аб супрацоўніцтве, падпісанага дзвюма краінамі ў 2011 годзе.

Падчас вучэнняў пілоты адпрацоўваюць працэдуры баявога прымянення самалётаў F-16, а пілоты ВПС Польшчы такім чынам умацоўваюць функцыянальную сумяшчальнасць і супрацоўніцтва з амерыканскімі ВПС.