Польскі вайсковец забіў зубра

Польскі вайсковец збіў да смерці зубра ў Белавежскай пушчы. Ваенны грузавік учыніў наезд на жывёліну ў вёсцы Старэ-Масева. Мясцовыя жыхары сцвярджаюць, што гэта не выпадковасць. Ужо два гады вадзіцелі ваенных машын абсалютна беспакарана ездзяць на вялікіх хуткасцях і па лесе, і па гарадах. Польскія актывісты і зоаабаронцы б'юць трывогу. Вайскоўцы, якія знаходзяцца ля мяжы Беларусі для нібы абароны ад мігрантаў, уяўляюць небяспеку як для флоры і фаўны прыродаахоўнага аб'екта, так і для мясцовых жыхароў.