Прэзідэнт Арменіі адправіў у адстаўку групу міністраў

Гэта шэсць палітыкаў ад партый "Армянская рэвалюцыйная федэрацыя" і "Квітнеючая Арменія". Раней на мітынгу ў цэнтры Ерэвана прэм'ер-міністр заявіў аб сваёй адстаўцы. Але пры гэтым Нікол Пашынян будзе выконваць абавязкі кіраўніка ўрада. Напярэдадні прадстаўнікі абедзвюх партый прагаласавалі за папраўкі ў рэгламент парламента, якія ўскладняюць працэдуру роспуску Кабміна. Пашынян дадаў: калі дэпутаты не выберуць новага прэм'ера, то ў снежні прызначаць нечарговыя парламенцкія выбары.