Прэзідэнт Бразіліі прапанаваў адмовіцца ад долара

Усё больш краін адмаўляюцца ад грашовых адзінак ЗША ў міжнацыянальных разліках. Стварыць уласную валюту наўзамен долара дзяржавы, якія развіваюцца, заклікаў і прэзідэнт Бразіліі.

Лула ды Сілва, прэзідэнт Бразіліі: Кожны вечар я задаю сабе пытанне: "Чаму ўсе краіны павінны быць прывязаныя да долара ў гандлі, чаму мы не можам рабіць гэта ў прывязцы да нашых валют? Хто наогул вырашыў, што пасля адмовы ад залатога стандарту валютай павінен быць долар, а не юань, рэал або песа?"

У той жа час юань "пайшоў на ўзлёт". За 2022 год доля кітайскай валюты ў сусветным гандлі вырасла ўдвая (з 2 да 4 з паловай працэнтаў) і наблізілася да статусу канкурэнта еўра, які займае 6 працэнтаў рынку.