Пратэсты фермераў у Еўропе набываюць усё большы размах

Французскія фермеры працягваюць нагадваць уладам аб абяцанай дапамозе аграрнаму сектару.

Хвалявацца ёсць аб чым. На фоне зніжэння ВУП улады Пятай рэспублікі вырашылі сэканоміць 10 млрд еўра. Нават абяцаная ваенная дапамога Украіне на 3 млрд еўра, паводле звестак агенцтва "Блумберг", можа аказацца пад пытаннем. Зрэшты, выплаты фермерам меры эканоміі закрануць не павінны. Але сельгасвытворцы з дарог не сыходзяць.

У Парыжы на выхадных павінен адбыцца Салон сельскай гаспадаркі, ужо зараз актывісты блакуюць рух, скідваюць гной і драўніну каля падатковых інспекцый, будынкаў адміністрацыі і іншых устаноў.

У дэпартаменце Верхняя Гарона фермеры выкінулі гной побач з пад'ездамі да гандлёвых цэнтраў. А ў горадзе По незадаволеныя аграрыі выгрузілі некалькі тон вадкіх угнаенняў на дах страхавога таварыства.