Пратэсты ў Аргенціне перараслі ў сутычкі з паліцэйскімі

Не спыняюцца пратэсты ў Буэнас-Айрэсе. Аргенцінцы выступаюць супраць праекта рэформаў, якія, у тым ліку, прадугледжваюць прыватызацыю дзяржаўных актываў, адмову ад рэгулявання цэн і істотнае скарачэнне бюджэтных расходаў.

Акцыі праходзяць неспакойна. Паліцыя сутыкнулася з дэманстрантамі ля будынка кангрэса ў Буэнас-Айрэсе. Мітынгоўцы закідвалі праваахоўнікаў камянямі, бутэлькамі, падпальвалі смеццевыя бакі. Для разгону натоўпу сілавікі прымянілі слёзатачывы газ, гумовыя кулі і вадамёты.

Пацярпелі не менш як 60 чалавек. Некалькі дзясяткаў чалавек затрыманы. Улады Буэнас-Айрэса прыгразілі прыцягнуць дэманстрантаў да крымінальнай адказнасці, назваўшы іх злачынцамі.