Пратэсты ў Грузіі перараслі ў сутыкненні з паліцыяй

Чарговая неспакойная ноч у Тбілісі. Перад будынкам парламента Грузіі пачаўся мітынг супраць прыняцця закона аб замежных агентах. Патрабавалі таксама вызваліць усіх затрыманых падчас папярэдняй акцыі.

Па закліку аднаго з арганізатараў мітынгоўцы сталі біць шкло ў будынку парламента, ламаць загароды і спрабавалі прарвацца ўнутр. Паліцыя і спецназ у адказ прымянілі слёзатачывы газ і вадамёты.

Сілавікам удалося адціснуць мітынгоўцаў з плошчы перад парламентам. Пачаўся разгон, аднак актывісты прыняліся ўзводзіць барыкады з услонаў і смеццевых бакаў. З боку паліцыі ў ход ізноў пайшлі вадамёты і слёзатачывы газ. Прымяняліся і святлошумавыя гранаты. У вартавых парадку ляцелі бутэлькі з запальнай сумессю, быў перавернуты аўтамабіль спецслужб. Паведамляецца аб масавых затрыманнях.

Акрамя таго, на фоне масавых пратэстаў на КПП "Верхні Ларс" утварыўся затор з ахвочых уехаць на тэрыторыю Расіі.