Птушыны грып у Латвіі небяспечны для людзей

Птушыны грып выяўлены ў Латвіі. Вірус, які знайшлі ў загінуўшых птушак у Даўгаўпілсе, небяспечны для чалавека.

Паводле інфармацыі мясцовых СМІ, вынікі экспертызы паказваюць на наяўнасць віруса птушынага грыпу ў сямі з 11 загінуўшых дзікіх птушак. Адзначаецца, што людзі рэдка заражаюцца гэтым вірусам, аднак такія выпадкі зафіксаваныя, і кожны другі смяротны.

Людзей заклікаюць не чапаць хворых або мёртвых птушак, не прыносіць птушак дахаты і не дапушчаць кантакту з імі хатніх жывёл.