Пуцін заявіў, што сувязі ўнутры БРІКС умацоўваюцца

Краіны БРІКС складаюць ужо 40 % ад глабальнай эканомікі і відавочна, што гэта доля будзе непазбежна расці, гэта "медыцынскі факт". Пра гэта заявіў расійскі прэзідэнт, выступаючы на Пецярбургскім міжнародным эканамічным форуме.

Уладзімір Пуцін падкрэсліў неабходнасць пабудовы ў свеце новай мадэлі развіцця, свабоднай ад прынцыпаў неакаланіялізму.

Уладзімір Пуцін, Прэзідэнт Расіі:

"Вядома, асаблівую ўвагу надаём умацаванню сувязяў унутры БРІКС. Узаемны тавараабарот нашых краін ужо перавысіў 1 трлн долараў і працягвае расці. Усё гэта, па сутнасці, элементы глабальнай платформы росту. І яны будуюцца на ключавых прынцыпах БРІКС".

Расійскі лідар таксама гаварыў пра стан адносін Расіі з шэрагам найважнейшых замежных партнёраў, у тым ліку і Беларусі. У прыватнасці, заявіў, што Расія разам з партнёрамі па ЕАЭС будзе так наладжваць мытную палітыку, каб стымуляваць новыя вытворчыя ланцужкі і перанос у нашы краіны перадавых тэхналагічных рашэнняў.