Рэкорд пандэміі: больш як 183 тыс. заражаных за суткі

За суткі каранавірусам у свеце заразіліся больш як 183 тысячы чалавек. Гэта рэкорд пандэміі. Паводле звестак СААЗ, дзве траціны новых выпадкаў прыпалі на краіны Паўночнай і Паўднёвай Амерыкі. Даходы ад турызму ў свеце за першыя чатыры месяцы пандэміі скараціліся на 195 мільярдаў долараў. Лічбы прыводзіць Сусветная турысцкая арганізацыя ААН.

Звязана гэта з тым, што ў студзені-красавіку колькасць турыстаў, якія вандруюць у іншыя краіны, зменшылася на 97 %. Згодна з прагнозамі арганізацыі, усяго сёлета колькасць замежных турыстаў можа скараціцца на мільярд у параўнанні з папярэднім годам. Адпаведна і галіна страціць трыльён долараў з лішнім.